كيكة بسكويت باردة بطعم الكابيتشينو بدون فرن

ألذ و أسهل كيكة بسكويت باردة بدون فرن بطعم الكابتشينو و بمكونات موجودة فى كل بيت ?

أبريل 10, 2020
Eman Nabil
حلويات
0 Comments

ألذ و أسهل كيكة بسكويت باردة بدون فرن بطعم الكابتشينو و بمكونات موجودة فى كل بيت ?

كيكة بسكويت باردة بدون فرن كيكة سهلة ولذيذة جدا فى التحضير وكمان غير مكلفة يمكنك تحضيرها بسهولة فى المنزل

-مكونات كيكة البسكويت:-

اولا: صوص الشوكولاته:-

_ 2كوب حليب(لبن).

_ 2ملعقه كبيره كاكاو خام.

_ 4ملاعق كبيره نشا الذره او خمسه(اختياري).

_ نصف باكت بودره كابتشينو (او لاتيه 3في1)او حسب ما تحبي.

_ نصف ملعقه صغيره فانيلا.

_ نصف كوب سكر.

_ علبه قشطه بوك (أونصف كوب من أي قشطه) اختياري.

_ باكت بسكويت ساده.

ثانيا:لتسقيه البسكوت:-

_ نصف كوب حليب.

_ باقي باكت الكابنشينو.

_ نصف ملعقه نسكافيه أوقهوه سريعه الذوبان.

_ ملعقه كبيره سكر.

ثالثا:جناش الشوكولاته للتزين:-

_ 3/4 كوب شوكولاته قطع صغيره.

_ ربع كوب كريمه سائله( يمكن استبدالها بربع كوب حليب +ملعقه زبده).

الخطوات وطريقه التحضير:-

-أول حاجه هنحضر البوله (الحله) اللي هيتعمل فيها الصوص اللي بين الطبقات ،هنحط فيها كوبايتين كبار حليب(لبن) وهنحط عليهم 4 او5 ملاعق كبار نشا (علي حسب انتي حابه درجه تماسك الخليط ايه سايحه شويه او متماسكه)، ثم نزود عليهم ملعقتين كبار كاكاو خام (مفيوش سكر) ،نضيف عليهم نصف باكت الكابشينو، ونزود شويه فانيليا صغيرين ،ونضيف نصف كوب سكر ،ونقلب كويس لغايه مايذوب الخليط ويتجانس مع بعضه ودا كله قبل ما تحطوه عالنار، وبعد كدا هنحطه عالنار علي درجه حراره متوسطه، وتقلبي الخليط لغايه ما قوام الصوص يتقل شويه هيكون شبه جناش الشكوكولاته شويه ولونه هيغمق وطعمه الحلو هيبان اكتر،وممكن تزودي شويه قشطه او كريمه عشان يعطيه قوام كريمي اكتر او ممكن متحطيش (اختياري) وكدا الصوص اللي هيتحط بين الطبقات هيكون جاهز.

_ ثم نحضر البسكويت ممكن بسكويت الشاي او بسكويت ساده او بطعم تاني (زي ما تحبي) ،ونجيب طبق (بوله) ثم نضع فيه نصف كوب حليب وبقيه الباكت بتاع الكابتشينو اللي حطناه في الصوص او ممكن تستخدمي نسكافيه (3في 1) او لا تيه (اللي تحبيه) ،وعشان طعم القهوه يزيد نزود شويه من قهوه الاسبرسو او النسكافيه او اي بودره قهوه تحبوها سريعه الذوبان،ونضيف كمان ملعقه سكر كبيره ،ونقلب الخليط مع بعضه لغايه ما يذوب ويتجانس.

_ ناخد البسكوت نحطه في الخليط وبعد كدا نطلعه ونحطه في الصينيه ،وممكن تضيفي علي البسكوت اللي موجود في الصينيه شويه من الخليط دا عشان البسكون يذوب اكتر ،ونضيف طبقه من الصوص فوق البسكوت ونفردها فوقيهوهكذا…

ونضع الطبقه التانيه من البسكوت بعد من طلعها من الخليط ونضع فوفيها الصوص ونفرده ،ملحوظه”عدد الطبقات ممن تضيفي طبقتين او تلاته علي حسب ماتحبي وحسب ما الصوص والبسكوت يكفي معاكي”. ونضيف اخر طبقه من البسكوت.

**وبعد كدا للتزين هنعمل جناش الشوكولاته السريع:

نضع كريمه سائله ونضيف عليها قطع الشوكولاته وتسيحوها او ممكن(نستخدم حليب وزبده بدل الكريمه ونخلطها مع بعض كويس) ونخلطها مع بعض كويس هيتحول لصوص متجانس وبيلمع ونضيفها عالوش الكيكه.

_ نضعها في الثلاجه أو الفريزر لكي تتماسك ساعه او اتنين زي ما تحبي.